The "Ibalik ang Batibot" Petition

Kami, mga Filipinong magulang, sa ngalan ng mga makakapangyarihan, upang magkaroon ng mga mabubuti, masunurin, magalang, mabilog, matalino at tunay na mga Filipinong anak at kabataan ay nangingiusap sa kung sino mang may awtoridad na muling ibalik ang Batibot sa telebisyon.

Nais naming magkaroon ng alternatibong palabas ang aming mga anak, sapagkat sila ay nagiging sobrang pasaway sa kapapanood ng kung anu-anong cartoons na karaniwan ay banyaga. Kung hindi Amerikano ay Hapon.

Wala pong natutunan ang aming mga anak sa ganiyang uri ng mga palutuntunin.

Ang Batibot po ang tanging makapagtuturo sa ating mga kabataan kung ano ang "value" ng pagiging isang tunay na Pilipinong bata.

Kung ang posibilidad na maibalik ang palabas na ito ay maliit, nais po sana naming irequest sa kung sino man ang may hawak ng mga kopya ng mga "episode" na ito na i-release ang mga kinauukulang "episode" sa public domain sa isang lisensiyang makakapagbigay ng mas malawak na distribusyon nito ng walang kahit ano pa mang restriksyon ukol sa pamamahagi nito.

Maraming Salamat Po