Peticija po povod odzemanjeto na IFFK "Brakja Manaki" od Bitola

To:  Do site sovesni gragjani na Republika Makedonija

Соопштение до медиумите и граѓаните на Република Македонија


Сакаме да Ве информираме дека денес попладнето на 30.09.2008 започна акција на собирање на потписи во Битола на Широк Сокак и на интернет. Ги повикуваме граѓаните да се потпишат на петицијата.

Организатори на оваа акција се младите граѓани кои протестираа на отворањето на филмскиот фестивал “Браќа Манаки“ како и филмски ентузијасти, уметници и други, кои сите заедно како една неформална група на граѓани одлучно решија да преземат повеќе активности се со цел ИФФК “Браќа Манаки“ да не биде одземен на Битола!

Ние како иницијатори на оваа акција и на акците што допрва ќе следат однапред се дистанцираме од било каква политичка или дневно-политичка конотација и исклучиво ги нагласуваме нашите граѓански мотиви.

Ја информираме целата јавност, (институции, медиуми, граѓански сектор и обични граѓани) дека строго се залагаме за зачувување на традицијата, интегритетот и континуитетот на филмскиот фестивал како нераскинлив дел од историјата и културниот живот на Битола.

Остро протестираме против оваа централистичка идеја (во времиња кога се води силна децентрализирачка политика) на организаторите на фестивалот каде градот кој 28 години наназад беше неприкосновен домаќин со овогодинешното минимално учество е сведен на ревијален дел.

Ги повикуваме не само засегнатите граѓани на Битола туку и граѓаните од останатите градови како и граѓаните на главниот град Скопје да ни пружат поддршка во напорите да се избориме за задржување на фестивалот во неговата природна средина.

Ги осудуваме сите евентуални провинциски испади од поединци на локалпатриотска основа, зошто нашата цел нема никаква намера да сее раздор помеѓу граѓаните во државата.

Sincerely,

The Undersigned

The Peticija po povod odzemanjeto na IFFK "Brakja Manaki" od Bitola Petition to Do site sovesni gragjani na Republika Makedonija was created by and written by Ivo Baru (igeorgievski@yahoo.com).  This petition is hosted here at www.PetitionOnline.com as a public service. There is no endorsement of this petition, express or implied, by Artifice, Inc. or our sponsors. For technical support please use our simple Petition Help form.