علي قد ما هتشوف مننا، علي قد ما هتبطل تستغلنا

To:  رئيس مجلس وزراء مصر

بيان لمقاطعة الشركة المصرية للتليفونات
(اتصالات التليفون الأرضي)

بعد ما قامت الشركة المصرية للاتصالات بزيادة أسعار الخدمة التليفونية العادية من 24 جنيهاً إلي 30 جنيهاً كل ثلاثة شهور(الخط المنزلي) وزيادتها من 39 جنيهاً إلي 48 جنيهاً للخط التجاري

وبعد ما رفعت قيمة رسم فتح الخط (الدقيقة الأولي) من 5 قروش إلي 6 قروش

وخفضت الدقائق المجانية من 166 دقيقة في الشهر إلي 50 دقيقة فقط

وكانت قد غيرت نظامه الأول وقمت بتحصيل الفواتير كل 3 شهور بدلا من 6 أشهر كما كان يحدث

وأعلنت كذلك أنه سيتم تحصيل الزيادات الجديدة بأثر رجعي! (من يناير الماضي وحتي بداية أبريل)و

هذا رغم أنها حققت أرباحاً صافية بلغت ملياراً و800 مليون جنيه عن العام المالي الأخير (مقارنة بما حققته في العام المالي السابق عليه،2004، والذي كان 752مليون جنيه). ولقد جرى خصخصة الشركة جزئيا ببيع حصة نسبتها 20 في المئة في العام الماضي لكنها ما زالت خاضعة لسيطرة الحكومة. ورغم وجود 10.4 مليون مشترك في البلاد، فما زالت هي الشركة الوحيدة للاتصالات الخط الثابت، فلا يوجد لها منافس مما يجعلها لا تعير وزنا لاعتراضات عملائها. ولما يمثله هذا من عدم احترامها لنا ولاستغلالها حاجتنا لتلك الخدمة

نعلن رفضنا واعتراضنا علي ما تقوم به الشركة المصرية للاتصالات
من استغلال، ونطلق هذه الدعوة للمقاطعة


1.
عدم إجراء أي اتصال محلي (بالتليفون الأرضي أو العادي) يومين أسبوعيا: الجمعة والسبت من العاشرة صباحا وحتي العاشرة مساءا وهذا كل أسبوع وحتي موعد الفاتورة المقبل في يوليو. يتم هذا بعدم إجراء اتصال، وبعدم الرد علي التليفون في حالة أي اتصال بك، وبعدم استخدام الانترنيت

2.
عدم إجراءأي اتصال بالتليفون الثابت في كل أيام الأعياد الرسمية (مثل مولد النبوي وشم النسيم وغيره) للتهنئة وغيره، واستخدام المحمول بدلا من هذا، أو الاستعاضة عن الاتصال بالزيارة

3.
إرسال رسالة احتجاج أو ايميل للشركة

telecomegypt@telecomegypt.com.eg
وإلي الجهاز القومي لتنظيم الاتصالات
info@tra.gov.eg
ووزارة الاتصالات
mediarelations@mcit.gov.eg
يتضمن طلباتنا، وكيف أن تجاهل تلك الطلبات سيدفعنا لتصعيد المقاطعة (يمكن ارسال ذلك البيان نفسه)و
4.
الدعوة لوقفة احتجاجية أمام المقر الرئيسي للشركة في يوم معين (في نهاية إبريل مثلا) وتقديم طلباتنا كشكوي جماعية للشركة

5.
إالغاء كل الخدمات الأضافية (مثل الاظهار، والكود السري والاستقبال فقط....) التي تحصّل عليها الشركة رسوما إضافية

6.
مقاطعة شراء كروت مرحبا ومرحبا بلس (للمواطنين وأصحاب المحلات التجارية)، ومقاطعة خطوط الانترنيت التي تنتفع منها الشركة أكثر من غيره (ISDN و ADSL) ،

مطالبنا

1.
نطالب الحكومة المصرية أن تضع نهاية لاحتكار المصرية للاتصالات واستغلالها لعملائها، بأن تمنح رخصة لتشغيل شركة ثانية للتليفونات الثابتة

2.
نطالب الشركة المصرية بالأتي:
التراجع عن زيادة أسعار التليفونية العادية
التراجع عن خفض الدقائق المجانية من 166 دقيقة إلي 50 دقيقة
التراجع عن رفع قيمة رسم فتح الخط (الدقيقة الأولي) من 5 قروش إلي 6 قروش
تحصيل الفاتورة كل 6 أشهر

نرجو نشر هذا في كل مكان، وفي الشارع والمحلات التجارية

الطريق للحرية يبدأ بأن يعرف الناس أن لهم حقوق وأنهم يستطيعون الحصول عليها. تستغل الشركة المصرية حقيقة أنه لا يوجد لها منافس وأننا في عصر الاتصالات لا نستطيع الاستغناء عن التليفون ولا الانترنيت. وإذا لم ننجح في استرداد حقوقنا كعملاء يمكنها أن تفعل ما بدا لها

نخبر الشركة كذلك بأن موقفها هذا معنا يحدد لنا منذ الأن ماذا سيكون موقفنا تجاه شبكة المحمول الثالثة التي تريد أن تنافس بها شبكتي المحمول الحالتين في مصر
http://photos1.blogger.com/blogger/4670/2592/320/6283_obj.jpg
ناس بتحب مصر
ونحب ان نشير هنا ان هذه الصفحة امتداد لصفحةنعلن رفضنا لاستغلال الشركة المصرية للاتصالات والتى توقفت لاسباب فنيةوهذه بعض التوقيعات والتعليقات والتى بلغت1173 توقيع

730. مواطن غلبان والله حرام عليكم معتناش قادرين احنا بقينا شعب الفواتير بنشتغل علشان نسدد فواتير تليفون وموبايل ومياه وكهرباء ونظافة وعوائد وضرائب وغيرة وغيرة ومش عارفين ايه بعد كده


729. على جبر شومان لقد قمت باول خطوة ولغيت الخواص اللى عندى


723. ashraf rizk كفاية احتكار الناس فى اسرائيل بتتكلم بملالليم للدقيقة لغاية امتى حندى الامثلة بدولة العدواليهود وهم احقر اهل الارض ولكن الظلم ادنى واحقر


682. أحمد حسين دول عالم مش راحمينا .... لا في البر و لا في البحر




681. Mohamed Ahmed كده حرام والله...كفاية تطحنوا الناس أكتر ما هي مطحونة...حسبنا الله ونعم الوكيل


666. حازم سويلم شرف أن ما تفعله شركة الاتصالات ليس بغريب فى اطار الفساد والنهب المنظم الذى تمارسه عائلة مبارك وحكوماته عبر ربع قرن


639. Ahmed Mohamed احترسوا من غضب الناس مدام مبتخافوش من ربنا


595. عادل نجيب جمعة لو اتى الملك فروق ووقف فى ميدان التحرير وقال من كان منكم بلا خطيئة قليلقنى بحجر لا احد يستطيع


559. Ahmed Abdel samad سكتناله, دخل بحماره


498. rasmy مش عايزين تليفوناتكو فى حاجه هيه جت من عندكو انا هلغيه خالص والنت حالل المشكله دى


473. محمد الشريف حرام عليكم دم الناس الغلابه والله حرام خلتوها خل


472. Fady السبب فى الأعتراض هو ان الخدمة قائمة بالفعل وليست جديدة وبالتالى لا تحتاج الى زيادة فى الرسوم وتخفيض الدقائق المجانية لأنها تعتبر خدمات عامة لجميع المشتركين ولكن الزيادة تكون فى الخدمات الخاصة التى تقدمها الشركة لعملائها حيث ان الخدمات الخاصة المستفيد منها هو بعض المشتركين وليس الكل وشكرا وارجوا ان تكون وجهة نظرى مفهومة


450. ahmed salama ارحمونا يا حكومة العيشة غالية جدا مجتش علي التلفونات


438. أحمد شعبان أحمد حسبنا الله ونعم الوكيل فيكم وشوفوا مين اللى هينفعكم فى الشبكه الثالثه بتاعت التليفون المحمول


435. MooN كدة حرام بجد و بعدين انتم اغنية و حتدفعوا . لكن باقى الشعب مش غني زي حضراتكم . ارحمونا حتى يرحمكم الله يوم العرض


424. ماجد محمد نرفض ذلك فنحن لسنا سلعه تباع او فار للتجربه


420. emmy mohammed ربنا ينتقم منكم


416. A G اتقوا الله يا عالم يا مفترى منكم لله وحسبنا الله ونعم الوكيل فيكم وفي كل ظالم


414. محمد حمدي الصراحة الناس مش عارفه تلاقيها منين ولا منين من التليفونات ولا من الاكل ولا من اي حاجة حرام والله مش يرضي حد ده خالص الناس بقى مفيش فش جيبوها اي مليم تيجي التليفونات وتزودها كمان


409. Ebrahim Uones حرام عليكو يا عالم ياظلمه يا مفتريين


399. H رفقا بالشعب المصري فهو مكبل بالهموووم فلا تجعلوا من ادني العلاقات الاسرية تكلفة عبء - فما بقي للانسان من اتصال بالغير - يعد انقطاع الزيارات و غلو الهدايا و المجاملات.... غير المكالماااات


393. ايمان صلاح حرام عليكم عاوزين تعملوا فى الشعب اكتر من كده ايه فى ناس مش لاقيه تاكول وناس بتمص دمهم اغنى شركه فى البلد عاوزين اكتر من كده ايه ارحمو الناس علشان ربنا يرحمكم اغلب البلاد المكلامات الداخليه مجانيه واحنا عاوزين نعمل زيهم بس فى ازاى تحصلوا على الفلوس لاكن فى حاجات تانيه عندهم مجانيه حاولتم تعملوا زيهم ولا هو نهب اموال الناس وخلاص


348. طارق منير أين صوت جمعيات حماية المستهلك(لا أسكت الله لها صوتاَ) مما يحدث؟ و هل تظنون أن الشركة سترضح لمجرد حملة مقاطعة واحدة على أساس أنهم يراهنون على خمود ثورتنا ؟ لا والله أعتقد أن بهذه الحملة اناساَ لا يكلون و لا يملون حتى يصدر رئيس مجلس إدارة الشركة المصرية للإتصالات بيانا صريحا يعلن فيه تراجعه - و بشكلٍ قاطعٍ - عن إصدار الشركة لأية قرارات بزيادة الإشتراكات أو تعريفة المكالمات أو يتقدم باستقالته إن كان الضغط عليه من الجهات السياسية السيادية إياها شديدا بشكل لا يحتمله...الله يكون في عونه منهم و منا أيضا لأننا سوف لن نرحم شركته


339. mohamed hamdy ali كيف نحارب استغلال الخارج ونحن نستغل انفسنا


331. Samia Gomaa كفانا إستغلال ...حرام عليكم ...استنفذمونا ....الشعب يصرخ من زيادة الأسعار فى كل شىء وانتم تتفرجون على مصاصى دماء الشعب ...اتقوا الله فينا يا ولاة هذه الأمه...لقد ولاكم الله حتى تحفظوا هذه الأمه لا لكى تقفوا مكتوفى الأيدى أمام مذبحة الشعب بالأسعار الناريه....أرحموا من الأرض يرحمكم من فى السماء


318. haidi فعلها الشعب المصري من قبل وأجبر شركات دانماركية على الاعتذار، وسنفعلها ثانية وثالثة ورابعة ضد كل مستغل وظالم.....لن نموت بدون المصرية للاتصالات


316. Mohamed Ismail Whdan اعتقد ان ما تقوم به الشركه المصريه للاتصالات يرجع الى انها تعتقد ان ان الشعب المصرى شعب ضعيف ولكنها لا تعرف الحقيقه ان الشعب قادر على ان يطالب ويدافع عن حقه وان يوقع باعدائه اكبر الخسائر وان يجعل المسئولون الذين يعملون بدون وعى وباعين عمياءو يسعون وراء بعض الاموال التى لن يكسبوها ابدا وان كسبوها رغما فسيجعلها الله عليهم بالمحق والخسران ان شاء الله امين يا الله


303. ismail hassan يا خوفى من يوم يقوم المارد من القمقم اللى هو فيه محبوس وساعتها لا هيكون فى حكومة ولا يحزنون الكل هيستخبها والكل هيرمى بالمسئولية على غيره حساب الشعوب وحش لكن حساب المولى صعب جدا على اللى بينتهك جيوب الناس


278. ghada حرام عليكم هو يانبقى من ضحايا العبارة ينبقى من ضحايا التليفونات كفاية بقى الرحمة علشان ربنا يرحمكم انا مش عارفة انتوا لما تقابلوه هتقولوا ايه


257. mahmoud abd el latif حرام عليكم احنا هنلقيها من التليفونات ولا السكر ولا من ايه بس التليفون احنا ممكن نبطل نتكلم ونريحكم


220. مشرفة بعض المجموعات المصرية للاتصالات لن نموت من غير استخدام خدماتك سنجلعكم تخسرون للتعلموا و سنرى من سيضحك فى النهاية و لكم على امرر رسائل مقاطعتكم و تشجيعها لالالاف المشتركين عندى


215. ايمان بدوى و ...متى سيشبعون و يتوقفون عن مص دمائنا خيبهم الله و قطع ارزاقهم اعلن رفضى و اعتراضى و احتجاجى ليس بالكلام و لكن بالفعل سانشر الرسالة و سابلغ كل ما اعرف و باذن الله نعلمهم درسا لن ينسوة و ادعو الاخوة للتفكير فى انشاء شركة مماثلة عن طريق اكتتاب عام


213. islam mohamed sultan شركات التليفونات كلها بترخص والمصرية بتعلى .. والله ما أنا فاهم إيه اللى بيحصل .. اللى يفهم يغهمنى


209. محيي الدين ابراهيم لا لأي ضغط مادي جديد على شعبنا المطحون، لا لكل شركة لاتراعي المجتمع التي تعمل بداخله، لا للثراء على حساب المصريين


194. marwa mahmod hamdy eltoukhy حرااااااااااااااااااااااام كفاااااااااااايه الناس هتنتحر قريب والله والمواطن الغلبان هيروح يشوفله موته بس علي الله ميلاقيهاش بقت بفلوس هي كمان


184. ashraf احتمال الشعوب لة حدود .. وقوة الشعوب اصبحت واضحة للجميع اديكوا شفتوا عملت اية فى الدنمارك والمنتجات الأمريكية


175. maged ربنا يخليكم أنتم ،أنفلونزا الطيور ،السرطان ،أمريكا ،وكل الأمراض المستوطنة ، والغير مستوطنة


174. mohamed sabry almelegy حرام عليكم المواطن مش لاقى ياكل علشان يتكلم فى التليفون


154. mahmoud ربنا يفقرنا ويغنيه ربنا يجوعنا ويقويه ربنا يولع فينا ويحميه إحنا المفروض نولع فى نفسنا بقه


114. رشا انا فعلا اتخنقت من الشركة دى ومن الفاتورة اللى مابنلحقش ندفعها وكل مرة اغلى وفى الطالع مفيش غير الماقطعة وانا هابدا من النهاردة


57. د. هشام محمد السلاموني نحن ندفع ثمن تحسين الخدمة عدة مرات ثم يبيعونها و يختفي الثمن


53. خالد الصفتي نهاية الاستغلال وحشة... سنقاطعكم كما قاطعنا الدنمرك


3. أحمد عوض نعم لا للاستغلال ......... ولابد ان نفعل هذه الحملة على مستوى أعضاء مجلس الشعب و الصحافة والإعلام و السؤال الأهم أين جمعيات ومنظمات حماية المستهلك؟؟؟؟؟؟؟؟؟؟؟؟؟؟؟؟؟؟؟؟

Sincerely,

The Undersigned

The علي قد ما هتشوف مننا، علي قد ما هتبطل تستغلنا Petition to رئيس مجلس وزراء مصر was created by جميع المواطنين and written by أحمد مخيمر (ahmedmokhmer@yahoo.com).  This petition is hosted here at www.PetitionOnline.com as a public service. There is no endorsement of this petition, express or implied, by Artifice, Inc. or our sponsors. For technical support please use our simple Petition Help form.

Send this to a friend